Իրաքի մայրաքաղաք Բաղդադում ցույց է անցկացվում ամերիկյան ներկայության դեմ: Այդ մասին հայտնել Է Al-Sumaria հեռուստաալիքը: Հեռուստաալիքի հաղորդագրության համաձայն, բազմամարդ ցույցն սկսվել Է հունվարի 24-ի առավոտյան Բաղդադի կենտրոնի ալ-Ջադրիա շրջանում:
Նշվում է, որ ցուցարարները, որոնք բողոքում են Իրաքի տարածքում ամերիկյան ներկայության դեմ, ծածանում են Իրաքի դրոշները և վանկարկում են հայրենասիրական կարգախոսներ: Հեռուստաալիքն նշում է, որ ավելի վաղ ազդեցիկ շիա քաղաքական գործիչ և կրոնական առաջնորդ Մուքթադա աս-Սադրը, որը «Սայրուն» դաշինքի ղեկավարներից մեկն է Իրաքի խորհրդարանում, մարդկանց հորդորել Է դուրս գալ խաղաղ ցույցի՝ պահանջելով վերջ դնել ամերիկյան զինված ուժերի ներկայությանը երկրում: Իրաքի խորհրդարանը հունվարի 5-ի արտահերթ նիստում ձայների մեծամասնությամբ քվեարկել է երկրի տարածքից օտարերկրյա զորքերը դուրս բերելու օգտին, ինչպես նաև հանդես Է եկել ահաբեկչական խմբավորումների դեմ պայքարի միջազգային կոալիցիոն ուժերի հետ համագործակցությունը դադարեցնելու պահանջով:
