Ծագումով հարավսլավացի ֆրանսուհուն, ով կրում է Աիդա Ալիչ անունը, մերժել են ԱՄՆ տարածք մեկնելու համար այցագիր տրամադրել, քանի որ նրա անունը և ազգանունը համահունչ են «Ալ-Քայիդա» ահաբեկչական խմբավորման անվան հետ: Այս մասին գրում է Dauphine Libere պարբերականը:
33-ամյա Ալիչին, որի անունը ֆրանսերենում Ալիկ է կարդացվում, Ժնևի օդանավակայանում հայտնել են, որ ԱՄՆ-ի միգրացիոն ծառայությունը նրան «սև ցուցակի» մեջ է ներառել, ուստի, կինը չի կարող ինքնաթիռ նստել:
Նա ԱՄՆ էր ցանկանում մեկնել ամուսնու և երեխաների հետ, սակայն, ընտանիքը ստիպված է եղել հրաժարվել մեկնումից` կորցնելով 2700 եվրո:
