ԱՄՆ-ում ճարպակալման խնդիրն ավելի ու ավելի մեծ տարածում Է ստանում, եւ մինչեւ 2030 թվականը երկրի յուրաքանչյուր երկրորդ բնակիչը քաշի զգալի ավելցուկ կունենա: Դեկտեմբերի 29-ին այդ մասին հայտնել Է Bloomberg գործակալությունը: Գործակալության տվյալներով՝ «Ամերիկայում ճարպակալման խնդիրը շատ ավելի լուրջ Է, քան թվում Է», եւ տասը տարի հետո երկրի բնակչության 25 տոկոսի մոտ «ճարպակալման ծանր տեսակ» կախտորոշվի:
Որպես այդ միտման գլխավոր պատճառներ փորձագետները նշում են նստակյաց ապրելակերպը եւ քաղցր սննդի, ինչպես նաեւ տեխնոլոգիական մշակման ենթարկված սննդամթերքի լայն մատչելիությունը: Շատ ամերիկացիների համար, ինչպես նշել Է գործակալությունը, այլընտրական առողջ սնունդն անթույլատրելի շքեղություն Է:
Ճարպակալումը մեծացնում Է առողջական վիճակի լուրջ վատթարացման ռիսկը: Այն կարող Է հանգեցնել շաքարախտի, սրտի եւ անոթների հիվանդությունների: Այսօրվա դրությամբ, վերջին տվյալների համաձայն՝ չափահաս ամերիկացիների շուրջ 40 տոկոսն ավելորդ քաշի խնդիրներ ունի, հաղորդել Է ՏԱՍՍ-ը: