ԱՄՆ-ում 18-ամյա Նիկոլաս Գոդֆրիին՝ Ֆլորիդայից, ձերբակալել են մարդասպան վարձելու փորձի համար, որպեսզի նա սպաներ իր դպրոցի աշխատակցին: Այս մասին հաղորդում է Fox 13-ը:
Երիտասարդը Instagram-ում օգտագործել է «fivayfanclub» անունով հաշիվը, որի միջոցով արմատական բնույթի հաղորդագրություններ է ուղարկել դպրոցի մեկ այլ աշակերտի:
«Ինձ մի տղա է պետք, ով կկարողանա ինչ-որ մեկին սպանել»,- գրել է Գոդֆրին:
Ընդ որում, նա 100 հազար դոլար է առաջարկել զրուցակցին, եթե նա համաձայնի սպանել դպրոցի աշխատակցին:
«Առանց կատակների, ես ուզում եմ, որ նա հնարավորինս շուտ մեկուսացվի»,- ընդգծել է Գոդֆրին:
Տղային ձերբակալել են՝ սպանություն ծրագրելու մեղադրանքով:
