Ավստրալիայում մահացել է զբոսաշրջիկների ամենահայտնի սերիական մարդասպան Այվան Միլատը: Այս մասին հաղորդում է ABC News-ը:
Միլատը մահացել է 74 տարեկանում, քաղցկեղից: Սերիական մարդասպանին կես տարի առաջ ախտորոշել էին կոկորդի և ստամոքսի քաղցկեղ: Հոկտեմբերի 11-ին հանցագործին տղամարդկանց բանտից տեղափոխել են Սիդնեյի առավելագույն խիստ ռեժիմի (Administrative Maximum Facility) հիվանդանոց՝ բուժման: Հոկտեմբերի 27-ին նա մահացել է: Հաղորդվում է, որ նրա մահվան փաստով անցկացվում է հետաքննություն:
Հանցագործը ձերբակալվել է 1994 թվականին՝ այն բանից հետո, երբ նրան կասկածեցին 7 մարդու սպանության մեջ: Ոստիկանությունը թաղված մարմինները գտել էր Սիդնեյից ոչ հեռու անտառներից մեկում: Նրան նաև կասկածել են անհետ կորածների գործին մասնակցության մեջ:
Միլատը հանցագործություններ է կատարել 1989-1992թթ. ժամանակաընթացքում: Նրա բոլոր զոհերը մինչև 21 տարեկան երիտասարդ զբոսաշրջիկներ էին, որոնք ճամփորդում էին Ավստրալիայում: Նա նրանց կրակում էր զենքով, ոմանց դանակահարում, իսկ հետո մարմիններն օգտագործում որպես կրակելու նշանակետ՝ ենթադրում են ոստիկանությունում: Զոհերից մեկին նա գլխատել է, գրեթե բոլորին բռնաբարել մահվանից առաջ կամ հետո:
1996 թվականին Միլատին ձերբակալել են և դատապարտել 7 ցմահ ազատազրկման: Նա հայտնի է իր խենթ արարքներով պատժի կրման ժամանակ: Այսպես. 2009 թվականին մարդասպանը պլաստիկ դանակով կտրել է իր մատը և ցանկացել այն ուղարկել Գերագույն դատարան: Բժիշկները չեն կարողացել մատը կարել: 2001 թվականին նա սրիչ է կուլ տվել, իսկ 2011-ին հայտարարել է հացադուլ և նիհարել 25 կգ: Այդ կերպ նա ցանկացել է հասնել Playstation-ի հավելվածի:
