Երեւանի ավագանին այսօրվա՝ սեպտեմբերի 10-ի իր նիստում որոշում կայացրեց ավելացնել «Երեւանի աղբահանություն եւ սանիտարական մաքրում» համայնքային հիմնարկի աշխատակիցների թվաքանակը, հաստատվեց նոր հաստիքացուցակը:
Հարցը ներկայացրեց փոխքաղաքապետ Հայկ Սարգսյանը՝ նշելով. «Հաշվի առնելով, որ «Սանիթեք» ՍՊԸ-ի հայաստանյան մասնաճյուղը եւ «Սանիթեք Ինթերնեյշնլ» ՍՊԸ-ն Երեւան քաղաքի ամբողջ վարչական տարածքում ընդհանրապես չեն կատարում ծառայությունների մատուցման իրենց պայմանագրային պարտավորությունները, Երեւան քաղաքի տասներկու վարչական շրջաններում աղբահանության եւ սանիտարական մաքրման ծառայություններն իրականացվելու են Հիմնարկի միջոցով:
