«Հեղափոխության ուղիղ ժողովրդավարությունը մեռավ, որովհետև քննարկումն էլ ցույց տվեց, որ այն քննարկում չի։ Դա ուղղակի․․․ չեմ էլ կարող ասել, թե դա ինչ էր։ Ֆորմատն էլ քննարկման ֆորմատ չէր՝ մի հոգի գահից խոսում ա, մյուսները լսում են, և երբ հակափաստարկներ են ասվում, միևնույն է՝ չի ընդունվում։ Այսինքն՝ արդեն մեզ մատուցվեց կայացված որոշումը։ Այն դեպքում, որ ոչ մի շահագրգիռ կողմի հետ չի քննարկվել, բացի «Լիդիանից»»,- «Առաջին լրատվական»-ի հետ զրույցում ասաց բնապահպան-ակտիվիստ Անի Խաչատրյանը։
«Ինչ է նշանակում՝ վերցնել փաստաթղթերը, քննարկել մի ընկերության հետ, որը շահագրգիռ կողմ է ու դրա հիման վրա որոշում կայացնել։ Այն դեպքում, երբ մեր վարչապետն անցած տարի խոստացել էր, որ այդ փաստաթղթերը կդնի թևի տակ, կգա այստեղ ու ջերմուկցիների հետ կքննարկի այդ թեման։ Երբ ես նրան հիշեցրի, նա կարծես մոռացել էր այդ մասին։ Ինձնից հետո ասել ա՝ հա, ես չեմ մոռացել, ես դեռ կգամ։ Էլ ե՞րբ կգա։ Այսինքն՝ նա արդեն որոշում է կայացրել, որը հիմնված է կեղծիքի վրա, որովհետև այդ ներկայացված տվյալները կեղծիք են։
Վարչապետին բամբասանքի տեսքով լուրեր են հասցվում, որ տեսեք, այդ մարդիկ ունեն շահագրգռվածություն, նրանց ուղղորդում են․․․ Հա, ես ունեմ շահագրգռվածություն, որի անունը Ամուլսար ա, մաքուր միջավայր ա։ Ես ուզում եմ ապրել Հայաստանում, ես ուզում եմ, որ իմ երեխան ապրի մաքուր միջավայրում։ Ես ծնվել եմ այս երկրում, և ես ունեմ սահմանադրական պարտավորություն և իրավունք՝ պաշտպանելու իմ երկիրը»,- հավելեց բնապահպան-ակտիվիստը։
Մանրամասները՝ տեսանյութում։