«168 Ժամ» թերթը գրում է. «ԱՊՀ-ն իրականում արդեն գոյություն չունի, այն, ինչ հիմա տեղի կունենա, բոլորովին նոր բան է լինելու, թե ինչ՝ կտեսնենք։ Ըստ էության մենք տեսնում ենք ամենամեծ լարվածությունն Արևմուտքի և Ռուսաստանի միջև՝ ԽՍՀՄ փլուզումից հետո»,- մեր թղթակցի հետ հարցազրույցում ասել է հայտնի քաղաքագետ Սերգեյ Մարկեդոնովը՝ գնահատելով Ուկրաինայի ճգնաժամից հետո ստեղծված իրավիճակը։
Նրա կարծիքով՝ ստեղծված գլոբալ լարվածությունը հաղթահարելու ելքն այն է, որ համաշխարհային քաղաքականության գլխավոր խաղացողները, այդ թվում՝ ԱՄՆ-ն և Ռուսաստանը, նստեն, բանակցեն և ձևավորեն աշխարհակարգի յոթ սկզբունքներ, քանի որ, իր խոսքերով, հին «յալթա-պոտսդամյան աշխարհակարգը» մահացել է դեռ 1989-91թթ., իսկ դրան հաջորդած ժամանակաշրջանում աշխարհն ապրել է բավական անհասկանալի կանոններով»։
Մանրամասները՝ թերթի այսօրվա համարում:
