Գոյության համար պայքարող BlackBerry-ն հայտարարել է Կանադայում գտնվող իր անշարժ գույքի մեծ մասը վաճառելու մասին: Այն ներառում է 280 հազար քմ տարածք: Որոշ տարածքներ ընկերությունը վարձակալության կտա նոր սեփականատերերի:
Ընկերությունը չի նշում վաճառքի արժեքը և գնորդին: Մեկ շաբաթ անց Blackberry-ն պետք է հրապարակի չորրորդ¬ եռամսյակի ֆինանսական արդյունքները: Երրորդ եռամսյակում ընկերությունը կրել է 4.4 միլիարդ դոլարի վնաս, իսկ շահույթը նվազել է 56%-ով՝ մինչև 1.2 միլիարդ դոլար: Երեք ամսվա ընթացքում ընկերությունը իրացրել է ընդամենը 1.9 միլիոն սմարթֆոն, ինչը վկայում է վաճառքի ձախողման մասին:
Որոշ ժամանակ առաջ BlackBerry-ն սմարթֆոնների խոշորագույն արտադրողն էր: Ընկերության շահույթը սկսել է նվազել այն բանից հետո, երբ շուկայում հայտնվեցին iPhone-ն ու Android-սմարթֆոնները:
BlackBerry-ն կրախից փորձում է փրկել 2013թ. նոյեմբերին տնօրենների խորհրդի կողմից նշանակված գլխավոր տնօրեն Ջոն Չենը: Փետրվարին MWC 2014-ում BlackBerry-ն ներկայացրել է ոչ թանկարժեք Z3 և Q20 հեռախոսները: Երկուսն էլ կթողարկվեն գարնանը՝ գրում է hitech.vesti.ru-ն:
