Բրիտանական Sotheby’s աճուրդի տունը վաճառքի կհանի Բեթհովենի մազափունջը, որը գերմանացի կոմպոզիտորը կտրել և նվիրել է իր ընկերոջը 1826 թվականին, հաղորդում է Reuters-ը:
Ակնկալվում է, որ լոտը կվաճառվի 19 000 դոլարով, սակայն աճուրդի տան ներկայացուցիչը հայտարարել է, որ վերջնական արդյունքում մազափունջը կարող է վաճառվել ավելի մեծ գումարով:
Նրա խոսքով՝ ավստրիացի դաշնակահար Անտոն Հալմը կոմպոզիտորին խնդրել է կնոջը որպես հիշատակ մազափունջ նվիրել, սակայն Բեթհովենի ծառան դրա փոխարեն այծի մազեր է ուղարկել, ինչը զայրացրել է կոմպոզիտորին:
«Դրանից հետո նա Խալմին մազափունջ է նվիրել, որը կտրել է գլխի հետևի հատվածից՝ գրելով, որ Խալմը կարող է վստահ լինել, որ դրանք իսկական են»,- պատմել է աճուրդի տան ներկայացուցիչը:
Հալմն ավելի ուշ մազափունջը նվիրել է իր ուսանողին, որը ֆորտեպիանոյի պրոֆեսոր էր Վիեննայի կոնսերվատորիայում: Մազափնջի իսկությունը հաստատել է նաև Ալեքսանդր Ուիլք Թեյերը, որը Բեթհովենի առաջին գիտական կենսագրության հեղինակն է:
Ավելի վաղ աճուրդի տունը վաճառքի է հանել Բեթհովենի մազափունջը, որը կտրվել է 1827 թվականին նրա մահվան օրը, ինչպես նաև այլ կոմպոզիտորների՝ Շոպենի, Մոցարտի մազափնջերը:
