Երգչուհի Մադոննան քննադատել է հունիսի 5-ին The New York Times ամերիկյան պարբերականում հրապարակված իր մասին հոդվածը: Հոդվածի և լրագրողի աշխատանքի վերաբերյալ իր դժգոհությունների մասին երգչուհին գրել է Instagram-ի իր էջում:
«Ասել, որ ես հիասթափված էի հոդվածից, դա նվազագույնը կլիներ»,- խոստովանել է երգչուհին: Նրա խոսքերով, լրագրողին, որը պատրաստել է նյութը, հնարավորություն էր ընձեռնվել տեսնել և ուսումնասիրել մի աշխարհ, որը շատերի համար փակ էր: «Բայց նա կենտրոնացել է չնչին ու այնպիսի մակերեսային թեմաների վրա, ինչպիսիք են իմ կրկնորդի էթնիկ պատկանելությունը կամ իմ վարագույրների գործվածքը և իմ տարիքի մասին չդադարող մեկնաբանություններին, ինչը նույնիսկ չէր հիշատակվի, եթե ես տղամարդ լինեի»,- հայտարարել է վաթսունամյա երգչուհին:
«Այս պատճառով ես ինձ բռնաբարված են զգում: Եվ այո, ես կարող եմ այս համեմատությունն օգտագործել, քանի որ նման իրավիճակում հայտնվել եմ 19 տարեկանում: Եվս մեկ ապացույց, որ վերը նշված NYT պարբերականը հանդիսանում է հայրիշխանության հիմնադիրներից մեկը»,- հավելել է նա, նշելով, որ ափսոսում է լրագրողի վրա ծախսած նույնիսկ հինգ րոպեների համար:
