Մարտի 5-ին Հայաստանի Հանրապետության պաշտպանության նախկին նախարար, վարչապետ Վազգեն Սարգսյանի ծննդյան օրն է: Այդ օրը Վազգեն Սարգսյանի եղբայրը՝ «Հանրապետություն» կուսակցության առաջնորդ Արամ Սարգսյանը, կլինի Լեռնային Ղարաբաղում՝ Ղարաբաղի իշխանությունների հրավերով:
«Ղարաբաղի իշխանությունների հրավերով գնում եմ Ղարաբաղ՝ այնտեղ նշելու Վազգենի ծնունդը: Ամեն տարի Ղարաբաղում Վազգենի ծննդյան օրը կազմակերպվում են միջոցառումներ, և այս տարի բացառություն չէ: Միջոցառում է լինելու, ինձ էլ հրավիրել են»,- «Առաջին լրատվական»-ի հետ զրույցում ասաց Արամ Սարգսյանը:
Անցյալ տարի, սակայն, նա Հայաստանում՝ Երևանում էր մասնակցում եղբոր ծննդյան օրվան նվիրված միջոցառմանը:
Նշենք, որ այդ օրը Եռաբլուրում են հավաքվում ՀՀ իշխանական ողջ էլիտան, ԵԿՄ վարչության անդամներ: Նրանք նախ՝ այցելում են Վազգեն Սարգսյանի հայրական տուն, ապա նրա տուն-թանգարան և վերջում՝ Եռաբլուրում ծաղիկներ դնում սպարապետի շիրմին:
Մարտի 5-ին սպարապետ Վազգեն Սարգսյանը կդառնար 55 տարեկան:
