Պապարացիները 54-ամյա Մոնիկա Բելուչիին լուսանկարել են իտալական Սաբաուդիա քաղաքում։ Դերասանուհին առափնյա փողոցում շրջել է ծաղկավոր, խոր լանջաբացվածքով և ներքևում լայն կտրվածքով զգեստով։
Լուսանկարիչներին հաջողվել է ֆիքսել պահը, երբ քամին բարձրացրել է Բելուչիի զգեստը՝ ցուցադրելով նրա սլացիկ ոտքերը։ Ընդ որում, դերասանուհուն դա առհասարակ չի վշտացրել։ Նա անվրդով շարունակել է ճանապարհը։
Նշենք, որ Մոնիկա Բելուչին սիրելիին պաշտոնապես ներկայացրել է վերջերս։ Մարտի սկզբին նա մասնակցել է Փարիզում նորաձևության շաբաթին, որի ընթացքում «գաղտնազերծել է» իր սիրավեպը։ Ավելի վաղ դերասանուհին խոստովանել էր, որ լուրջ հարաբերություններ ունի, սակայն չէր հրապարակել ընտրյալի անունը։
Սա Բելուչիի առաջին լուրջ սիրավեպն է Վենսան Կասելից բաժանվելուց հետո։