Զատկի նախօրեին Հռոմի Պապ Ֆրանցիսկոսը Կոլիզեումի պատերի տակ գլխավորեց ավանդական կրոնական երթը:
Այս տարի Զատիկին կրոնական երթը և աղոթքները կազմակերպել էր քույր Էուժենիա Բոնետտին, որը երկար տարիներ աշխատել է Քենիայում, այնուհետև Իտալիայում սեռական ստրկության վաճառված աֆրիկացի կանանց օգնություն է ցուցաբերել: Ելույթները նախատեսված էին Կրոնական երթի 14 կանգառներում:
«Աշխարհի խաչերից մեկը միգրանտներն են, որոնց առջև դռները փակ են վախի և քաղաքական հաշվարկների պատճառով»,- ասաց պապը իր եզրափակիչ ելույթում:
Հաիթիի հանրապետության Պորտ-օ-Պրենս մայրաքաղաքում հազարավոր մարդիկ կաթոլիկ եպիսկոպոսի հետ աղոթում էին փոփոխությունների համար։ Վեց միլիոն կաթոլիկ են ապրում հանրապետությունում, և Ավագ ուրբաթն այստեղ հանրային տոն է:
Բոլիվիայում՝ Օրուրո քաղաքում մոտ 250 քանդակագործ Քրիստոսի կյանքից Ավետարանում նկարագրված տեսարաններ են քանդակել: Այս քաղաքում վեց տարի առաջ տեղադրվել է մանուկ Հիսուսը գրկին Մարիամ Աստվածածնի 45 մետրանոց արձան, որը 7 մետրով բարձր էր Ռիո դե Ժանեյրոյի Քրիստոս Փրկչի հուշարձանից:
https://www.youtube.com/watch?v=PbA8HYND8tc
