Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
«Նշված փոփոխությունները չեն պատասխանում այն հարցին, թե ինչպիսի կառավարման մոդելի պետություն եք ցանկանում ունենալ. սահմանափակվելու եք միայն ուղղորդո՞ղ քաղաքականությամբ»,- հայտարարեց «Լուսավոր Հայաստան» խմբակցության պատգամավոր Կարեն Սիմոնյանը:
Նա նշեց, որ իրենց խմբակցությունը կողմ է փոքր պետության մոդելին: Նա հարց բարձրացրեց՝ չգիտե՞ք արդյոք, թե նախարարությունները քանի շենք են զբաղեցնելու, քանի աշխատող են ունենալու:
Անդրադառնալով առաջնահերթություններին՝ պատգամավորն ասաց. «Արդյո՞ք ավելի առաջնահե՞րթ է ԱԻՆ-ը, թե՞ գյուղատնտեսության նախարարությունը: Մենք գնում ենք ավելի ուժեղ մարզպետարաններ ունենալո՞ւ, թե՞ ավելի ուժեղ ՏԻՄ ունենալու»:
Ի վերջո՝ պատգամավորը հարց բարձրացրեց՝ կառավարության կառուցվածքի փոփոխությամբ լինելո՞ւ են բյուջեի փոփոխություններ, ե՞րբ են դրանք կատարվելու: Նրա խոսքով՝ այս փոփոխությունները չեն պատասխանում այս և բազմաթիվ այլ հարցերի:
Մանրամասները՝ տեսանյութում:
