Ալժիրի Ազգի խորհրդի (խորհրդարանի վերին պալատի) ղեկավար Աբդելքադեր Բենսալեհն ապրիլի 9-ին հաստատվել է երկրի ժամանակավոր նախագահ: Պետության ղեկավարի պաշտոնում Բենսալեհի հաստատումը տեղի է ունեցել երկրի խորհրդարանի երկու պալատների նիստում, որն ուղիղ եթերով հեռարձակել է An Nahar հեռուստաալիքըը:
77-ամյա Բենսալեհն Ալժիրը կգլխավորի 90 օրից ոչ ավելի ժամկետով, որի ընթացքում պետք է անցկացվեն նախագահական ընտրություններ: Ըստ որում նախագահի պաշտոնակատարն արդեն չի կարողանա իր թեկնածությունն առաջադրել երկրի բարձրագույն պետական պաշտոնի համար:
Բուտեֆլիկան իր պաշտոնից հեռացել է ապրիլի 2-ին՝ այդ մասին ծանուցելով Սահմանադրական խորհրդի նախագահին, հաղորդել է ՏԱՍՍ-ը:
