Արքայազն Հարին կնոջ՝ Մեգան Մարքլի հետ, իրենց առաջնեկի ծննդից առաջ ռոմանտիկ ճամփորդություն են կատարել, կանգ առնելով Հեմփշիրում գտնվող հինգ աստղանի շքեղ հյուրանոցում: Լրագրողները հաշվարկել են, որ ամերիկացի գործարար Ջերալդ Չանին պատկանող Heckfield Place հյուրանոցում 3-օրյա հանգիստը դուքսերի ընտանիքին առնվազն 33 հազար ֆունտ է արժեցել: Նրանք բնակվել են գիշերը 10 հազար ֆունտ արժողությամբ, այսպես կոչված, Long Room-ում, գրում է The Sun-ը:
Ննջասենյակից և հյուրասենյակից բացի համարը նաև երկու բաց պատշգամբ ունի, ինչպես նաև հյուրանոցում կինոթատրոն, սպա-սրահ և ռեստորան կա, որտեղ սնունդը պատրաստվում է էկոլոգիապես մաքուր սեփական ֆերմայի արտադրանքից:
Ամուսինները զբոսնել են, գնահատել տեղի խոհանոցը՝հատկապես նարնջի չրով շոկոլադը և խուսափել հյուրանոցի մյուս այցելուների հետ շփումից: Նրանց ուղեկցել են անվտանգության աշխատակիցները, որոնց համար ընդամենը 350 ֆունտ է ծախսվել:
