Հանրության և լրատվամիջոցների ուշադրության կենտրոնում է հայտնվել այն փաստաթուղթը, ըստ որի՝ պետք է Մշակույթի նախարարության ներքո գտնվող ՊՈԱԿ-ները և մշակութային որոշ հաստատություններ լուծարվեն: Նազենի Ղարիբյանը այդ փաստաթուղթը համարում է սևագիր: Նա հանդիպում է ունեցել Համազգային թատրոնի անձնակազմի հետ և իր խոսքով՝ կառուցողական քննարկում է տեղի ունեցել: «Առաջին լրատվական»- ի հետ զրույցում Համազգային թատրոնի տնօրեն, դերասան Արման Նավասարդյանը, անդրադառնալով այս դիտարկմանը, նշեց, որ ասուլիսի ժամանակ Ն. Ղարիբյանին հրավիրել է իրենց ներկայացմանը, որից հետո հանդիպում է տեղի ունեցել: «Չէինք կարող չանդրադառնալ այդ սևագրությանը, որին սև թուղթ են անվանում, թուղթուգիր: Ամեն դեպքում դա նախնական տարբերակ է, վերանայելու հանձնարարական էր եղել, և այնպիսի տպավորություն էր, որ Մշակույթի նախարարությունը, ի դեմս նախարարի պաշտոնակատար Ն.Ղարիբյանի, առանց ուսումնասիրելու դաշտը, որոշել էր ցուցակում ներառել թատրոնների անուններ, որոնք, կարծում եմ, միավորվելու կամ լուծարվելու կարիք չունեն»:
Ա. Նավասարդյանի խոսքով՝ պատճառաբանություններից մեկը տարածքի խնդիրն է. «Ինստիտուտին միավորվելը որպես լավություն են դիտարկում, որ իբրև թե տարածքի խնդիրը կլուծվի, բայց մեր շենքը տարիներ առաջ սկսվել է կառուցվել, որի մասին Ն. Ղարիբյանը տեղյակ չէր»:
«…Սա ոտնձգություն է հանդիսատեսի նկատմամբ»,- ընդգծեց Համազգային թատրոնի տնօրենը: – Այսպիսի սևագրերը հուսահատեցնում են, բայց մենք պինդ ենք»:
Մանրամասն՝ տեսանյութում:
