ԱՄՆ պարենի և դեղորայքի որակի հարցերով վարչությունը հայտարարել է, որ ռոբոտների օգտագործումը վիրաբուժական միջամտություններ կատարելիս անվտանգ չէ:
Ինչպես հաղորդում է CNN-ը, հղում անելով վարչությանը, ռոբոտները, որոնք օգտագործվում են կրծքագեղձի ուռուցքի հեռացման և այլ վիրահատությունների ժամանակ, չեն անցել անհրաժեշտ հավաստագրով: Բացի այդ, ռոբոտները գործնականում չունեն առավելություն ավանդական վիրաբուժության համեմատ:
Անցկացված հետազոտություններից մեկի արդյունքները ցույց են տվել, որ ռոբոտների կողմից կատարված վիրահատություններից հետո հիվանդներն ավելի վատ են վերականգնվում: Վարչությունում խորհուրդ են տվել այդպիսի վիրահատությունները նախապես քննարկել բուժող բժշկի հետ:
