Հոնկոնգի ոչ մեծ տարածքի և բնակչության մեծ թվաքանակի պատճառով մարդիկ ստիպված են բնակվել կենդանիների վանդակներում:
Հոնկոնգում բնակարան վարձակալելը, առավել ևս՝ գնելը խնդիր է, որովհետև ֆինանսական այդ կենտրոնում անշարժ գույքը շատ թանկ արժե: Եվ դա ամենևին էլ զարմանալի չէ, եթե հաշվի առնենք, որ 1104 քառ.կմ տարածքում ապրում է ավելի քան 7 մլն մարդ:
1950-60-ականներին, երբ ծնելիության մակարդակի բարձրացումը և չինացի ներգաղթյալների հոսքը Հոնկոնգի բնակչության թիվը հասցրեցին մեկ միլիոնից ավելիի, բնակարանների սեփականատերերը սկսեցին իրենց պատշգամբներում տեղադրել վանդակներ՝ մի քանի մարդու բնակվելու համար:
1990-ականներին դրանք մի քանի հազար էին, իսկ 10 տարի անց՝ 100.000: Այժմ դրանք 177.000 են:
Բնակիչների խոսքերով՝ այդ վանդակներում անհնար է հանգստանալ: Դրանց չափերը թույլ չեն տալիս ձգվել ամբողջ հասակով, ինչի հետևանքով նրանք ստիպված են քնել սեղմված ոտքերով:
Շատերը, սակայն, ասում են, որ դա ավելի լավ է, քան փողոցում կամ կամրջի տակ ապրելը:
