Չինաստանը ցանկանում է բարձրացնել թոշակի անցնելու տարիքը` հաղորդում է «Գոլոս Ռոսիի» ռադիոկայանը:
Առանց այս փոփոխության կենսաթոշակային հիմնադրամներին սպասվում է դեֆիցիտ: 1950-ական թթ. ընդունված նորմերի համաձայն` Չինաստանում տղամարդիկ թոշակի են անցնում 60 տարեկանում, իսկ կանայք` 55: Ծանր ֆիզիկական աշխատանք կատարողները, պետական աշխատողները թոշակի են անցնում համապատասխանաբար 55 և 50 տարեկանում: Ընդ որում՝ չինացիների կյանքի միջին տևողությունը 75 տարի է:
2010 թ. մարդահամարի տվյալներով` Չինաստանի բնակչության 13 %-ը 60 տարեկանից բարձր է: Այժմ թոշակառուների և աշխատողների հարաբերակցությունը 1/7-ի է: Սակայն ներկայիս թոշակային համակարգի պահպանման դեպքում մինչև 2035 թ. աշխատունակ բնակչության և թոշակառուների հարաբերակցությունը կլինի երկուսը մեկին:
