Կոտայքի մարզի Նոր Գեղի համայնքի ներկայացուցիչները բողոքի ակցիա են իրականացնում՝ պահանջելով հանդիպում մարզպետ Ռոմանոս Պետրոսյանի հետ։
Նախկին գյուղապետ Ֆրոնտիկ Թևոսյանը, հիշեցնենք, հրաժարական էր տվել օգոստոսի 31-ին։
«Ինչպես հանրապետությունում է իրավիճակ փոխվել, այնպես էլ Նոր գեղում. պետք է հարմարվեն էդ մտքի հետ»,- «Առաջին լրատվական»-ին հայտնեց գյուղացիներից մեկը՝ անդրադառնալով գյուղապետի դեմ անցկացվող բողոքի ակցիային:
Նրանք պահանջում են, որ գյուղապետ լինի Վարդան Պապյանը. «Ինքը խաղաղ, բարի անձնավորություն է, չի կարա վատ բան անի: Նրան հրահրում են»:
Գյուղացիներից մեկն էլ ասաց, որ անձամբ իրեն ցանկացել են մեքենայի տակ գցել, որ ստորագրել է հօգուտ Վարդան Պապյանի պաշտոնավարման:
«Գյուղը բաժանել են երկու մասի՝ սա ի՞նչ բան է. թող նա ժամանակավոր պաշտոնավարի մինչև ընտրությունները»,- առաջարկում են գյուղացիները:
Մանրամասները՝ տեսանյութում:
