«Մեր պետական մարմինների հեռախոսազրույցները գաղտնալսվում են ինչ-որ այլ ուժերի կողմից. սա ազգային անվտանգության հարց է: Պետական մարմինները պետք է աչալուրջ լինեն՝ հասկանալու, թե այդ որ ուժն է, որ կարողանում է իրեն ավելին թույլ տալ, քան պետական իշխանությունը: ՀՀ-ում չի կարող լինել ավելի բարձր իշխանություն, քան պետական իշխանությունն է: Պետք է բացահայտվեն, թե ովքեր են համարձակվել նման հանցագործություն կատարել, և պատժվեն»,- «Առաջին լրատվական»- ի հետ զրույցում այս մասին ասաց «Լուսավոր Հայաստան» կուսակցության պատգամավորության թեկնածու, իրավաբան Տարոն Սիմոնյանը՝ անդրառնալով վարչապետի պաշտոնակատար Նիկոլ Փաշինյանի և Ազգային անվտանգության ծառայության տնօրեն Արթուր Վանեցյանի, ինչպես նաև Ա. Վանեցյանի ու ՀՔԾ պետ Սասուն Խաչատրյանի գաղտնալսված հեռախոսազրույցների հրապարակմանը: Տ. Սիմոնյանի խոսքով՝ այս հեռախոսազրույցները չեն փաստում, որ առկա է ճնշում դատավորի նկատմամբ:
Անդրադառնալով հարցին, թե ինչու հենց հիմա հրապարակվեց այս հեռախոսազրույցները, Տ. Սիմոնյանն ընդգծեց, որ ակնհայտ է՝ դա կատարվել է քաղաքական նպատակներով. «Որոշ ուժեր փորձում են դավադրություն կազմակերպել, որպեսզի խաթարեն ընտրությունների բնականոն ընթացքը: Սա անընդունելի է, քանի որ սրանով ուզում են մանիպուլյացիայի ենթարկել հասարակությանը, այսպիսի քայլեր կատարողները ազնիվ չեն հասարակության հետ. չի կարելի քաղաքական պայքարի ընթացքում ուղղակիորեն վնաս տալ պետականաշինությանը: Այս քայլով քաղաքական դիվիդենտներ շահելու համար պետությանը վնաս են հասցնում, սա անընդունելի է: Կոչ եմ անում զերծ մնալ նման քայլերից, որոնք վնասում են ազգային շահը»:
Մանրամասն՝ տեսանյութում:
