Իրանը մտադիր է վերսկսել լցանավերով նավթի մատակարարումները՝ կապված պատժամիջոցների մեղմացման հետ: Ինչպես հայտնել է IRNA գործակալությունը, դա հնարավոր է դարձել այն բանից հետո, երբ ԱՄՆ ֆինանսների նախարարությունը հանել է ապահովագրական ծառայությունների տրամադրման սահմանափակումները, որոնք սահմանել էին Իրանական ազգային լցանավային ընկերության բանկային գործողությունների նկարտմամբ:
Իրանն այժմ կրկին կարող է ծովային ճանապարհով նավթ մատակարարել խոշոր սպառողներին, այդ թվում՝ Չինաստանին, Հնդկաստանին, Թուրքիային, Թայվանին, Ճապոնիային և Հարավային Կորեային:
Ինչպես հայտարարել է ընկերության գործադիր տնօրեն Ալի-Աքբար Սաֆաեին, Իրանի ու Արևմուտքի հարաբերություններում շրջադարձային պահ է դարձել իրանական միջուկային դոսյեի շուրջ համաձայնագրի կնքումը:
Հունվարի 20-ին ԵՄ երկրները չեղյալ են հայտարարել որոշ պատժամիջոցներ՝ 6 ամսվա ընթացքում մինչ 20 տոկոս ուրանի հարստացումը դադարեցնելու իրանցիների որոշման դիմաց: Արգելքի մեղմացումը վերաբերում է նաև ոսկու, այլ թանկարժեք մետաղների, նավթաքիմական ապրանքների և ավտոմեքենաների առևտրին: