Վրաստանում բացի ուղղափառ եկեղեցուց՝ պետական բյուջեից ֆինանսավորում կստանան ևս չորս կրոնական համայնքներ՝ մուսուլմանական, գրիգորյան, կաթոլիկ և հուդայական: Ինչպես հաղորդում է Interfax-ը, այս մասին հայտարարել է երկրի վարչապետ Իրակլի Ղարիբաշվիլին:
«Վերջին ժամանակներս տարբեր հայտարարություններ են հնչում՝ իբրև թե, մեր կառավարության կառավարման օրոք հաճախակի են դարձել կրոնական հողի վրա հակամարտության փաստերը: Կարծում եմ՝ այդ հայտարարությունները չեն համապատասխանում իրականությանը»,- ասել է վարչապետը:
Ղարիբաշվիլիի խոսքով՝ Վրաստանում հարգում են կրոնական բոլոր համայնքներին, և դրա ապացույցն է այն փաստը, որ քննարկվում է բացի ուղղափառ եկեղեցուց՝ պետական ֆինանսավորում տրամադրել նաև ևս չորս կրոնական համայնքների: