Ադրբեջանական Salam News գործակալության փոխանցմամբ՝ այսօր Թուրքիայում կայանալու է Թուրքիայի Ազգային մեծ ժողովի (ԹԱՄԺ) 14-րդ գումարման առաջին նիստը։
Այն սկսվելու է նորընտիր պատգամավորների երդման հանդիսավոր արարողությունից հետո։ Հուլիսի 4-ին պատգամավորները կընտրեն խորհրդարանի խոսնակին և փոխխոսնակին։
Խորհրդարանի նստաշրջանում իշխող «Արդարություն և զարգացում» կուսակցությունը (ԱԶԿ) ներկայացված կլինի 327 պատգամավորով, գլխավոր ընդդիմադիր Ժողովրդա-հանրապետական կուսակցությունը (ԺՀԿ)՝ 135 պատգամավորով, «Ազգայնական շարժում» կուսակցությունը (ԱՇԿ)՝ 53 պատգամավորով։
Խորհրդարան են անցել նաև 35 անկախ թեկնածուներ (քրդեր)։
Հիշեցնենք, որ քուրդ նորընտիր պատգամավորները կարող են բոյկոտել խորհրդարանի այս նիստը, քանի որ Թուրքիայի Բարձրագույն ընտրական խորհուրդը վետո էր դրել քուրդ Հաթիփ Դիջլեի պատգամավորության վրա։
