«Մամուլի հետ սուրճ» հաղորդման նոյեմբերի 28-ի հյուրը «Ա1+» հեռուստաընկերության գլխավոր խմբագիր Կարինե Ասատրյանն է։
Մեր զրուցակցն անդրադարձավ նախընտրական պայքարին ու հռետորաբանությանը և նշեց.«Ոճը նույնն է մնացել, քննադատությունը երկու ուժերի միջև է, իհարկե կողքից լինում են նաև այլ ուժերին ուղղված քննադատություններ։Հիմնականում քարոզարշավն ընթանում է պատասխաններով, մի ուժը ասում է մի բան, մյուսը՝ մի քանի ժամ հետո պատասխանում։
Առայժմ ընտրողը հնարավորություն չունի տեսնելու, թե ինչ ծրագրերով են գալիս այդ ուժերը»։
Կարինե Ասատրյանն անդրադարձավ նաև Ռոբերտ Քոչարյանի գործին և նշեց, որ Մարտի 1-ի բացահայտումը թույլ չի տա այլևս նման իրողության կրկնություն.«Խնդիրն այստեղ 10 մարդը չէր, կարող էր լինել 1-ը կամ 2-ը։ Խնդիրն այն էր, որ Երևանի կենտրոնում տեղի ունեցավ մի բան, որ որևէ մեկը չէր սպասում։ Մարդիկ հավատում էին, որ մեր երկիրը ժողովրդավար է։Անհնար է, որ այդ ոճրագործությունը չբացահայտվի»
