Ավելի քան 100 հազար ավտոմատ սարքավորումներ, որոնք միացված են համացանցին, 2013 թ., դեկտեմբերի 23-ից 2014 թ. հունվարի 6-ն օգտագործվել են սպամ-հարձակումների համար, հաղորդում է Quartz ինտերնետ-ռեսուրսը՝ հղում կատարելով Proofpoint ընկերությանը:
Վնասակար ծրագրով վարակված համակարգիչների ցանցը՝ բոթնեթը, օգտագործվել է սպամ պարունակող գրեթե 750 հազար նամակներ ուղարկելու համար և ներառել է ոչ միայն համակարգիչներ, այլև մեդիա-նվագարկիչներ, սմարթֆոններ, հեռուստացույցներ և սառնարաններ:
Այս բոթնեթերը կարող են օգտագործվել ինչպես սպամը զանգվածաբար տարածելու, այնպես էլ Bitcoin վիրտուալ արժույթ հայթայթելու համար:
Proofpoint-ի վերլուծաբանները կարծում են, որ «խելացի» սարքավորումներն ինտերնետ-անվտանգության տեսանկյունից խոցելի են, հաղորդում է РИА Новости-ն:
