«Թեև 2017-ի ընտրությունների արդյունքները չեն վիճարկվել և ըստ էության այն ԱԺ-ն, որ այսօր գործում է, լեգալ է, այդուհանդերձ այն զարգացումները, որ տեղի ունեցան վերջերս, որի արդյունքում պարզվեց, որ ուժերի իրական հարաբերակցությունը բնության մեջ չի արտացոլված համապատասխան ձևով ԱԺ-ում, այս ամենն ինքնին պարտադրանք է ստեղծում արտահերթ ընտրությունների անցկացման համար»,- անդրադառնալով արտահերթ ընտրությունների անցկացմանը՝ «Առաջին լրատվական»-ի հետ զրույցում ասաց ԱԺ ՀՀԿ խմբակցության պատգամավոր Խոսրով Հարությունյանը։ Արտահերթ ընտրությունների հիմքում, նրա խոսքով, ընկած է պարզ և հասկանալի դրույթ՝ հանրությունը իրավունք ունի այս փոփոխված պայմաններում ստանալ հնարավորություն իր քաղաքական վստահությունը, ըստ քաղաքական ուժերի, արտահայտել, իսկ դրա ճանապարհն ընտրություններն են։
Նա նաև նշեց, որ ընտրություններն անհրաժեշտ են, բայց պետք է անցկացնել համեմատաբար հանդարտ պայմաններում։
