ՀՀ տնտեսական զարգացման և ներդրումների նախարար Արծվիկ Մինասյանից «Առաջին լրատվական»-ը հետաքրքրվել է, թե ինչ կարծիք ունի նա արագ արտահերթ ընտրություններ անցկացնելու՝ վարչապետի հայտարարության վերաբերյալ։ Հիշեցնենք, որ Նիկոլ Փաշինյանը Երևանի ավագանու ընտրություններից հետո հայտարարել էր․ «Քաղաքական իրադարձությունները ցույց տվեցին, որ պետք է շատ արագ անցկացնել արտահերթ խորհրդարանական ընտրություններ, որովհետև քաղաքական անորոշություններն, ըստ էության, արգելակում են մեր տնտեսությունում նոր ներդրումների ներգրավումը»։
Արծվիկ Մինասյանի խոսքով՝ ցանկացած ներդրող երկարաժամկետ ձևով է մտածում և իր համար տեսանելի ապագան՝ որպես ներդրող, առնվազն հինգ տարվա հվարկը պետք է տեսանելի լինի։
«Պոտենցյալ ներդրողների մի մասը հետաքրքրվում է՝ արդյոք լինելու են արտահերթ ընտրություններ և արդյոք խորհրդարանը կարո՞ղ է ազդել ներդրումային միջավայրի վրա»,-ասաց նախարարը։
