Սեպտեմբերի 12-ին ՄԱԿ–ի քննիչները զեկույց են հրապարակել, որում հաստատվում է, որ 2018 թվականին Բաշար Ասադի կառավարական զորքերը Դամասկոսի արվարձանում և Իդլիբում երեք անգամ քիմիական զենք են կիրառել՝քլորի հիման վրա։
Reuters գործակալությունը գրում է, որ հաշվետվությունը կազմողները ընդգծել են, որ քիմիական զենքի կիրառումը «ռազմական հանցագործություն է» համարվում։
Քիմիական գրոհների ընդհանուր քանակությունը, փաստագրված 2013 թվականից՝ Սիրիայում հանցագործությունների հետաքննության ՄԱԿ–ի միջազգային հանձնաժողովի կողմից, հասել է 39–ի։ Ընդ որում, դրանցից 33-ը վերագրվում են Բաշար Ասադի զորքերին, մնացած դեպքերում մեղավորներին պարզել չի հաջողվել։
