Վանաձորի տեխնոլոգիական կենտրոնում (VTC) 2018 թվականի հուլիսի 7-ին անցկացվեց երկրորդ Ինժեներական համաժողով-ցուցահանդեսը, որը համախմբում է բարձր տեխնոլոգիական ապրանքներ և լուծումներ առաջարկողինժեներական ընկերություններ և հետազոտական ինստիտուտներ։ Միջոցառման ընթացքում ներկայացվեցին Հայաստանում ինժեներական ոլորտի վերջին ձեռքբերումները, քննարկվեցին տեխնոլոգիական կրթության և գործարար միջավայրի մարտահրավերները, ինչպես նաև ոլորտի համաշխարհային զարգացումները։ Համաժողով-ցուցահանդեսին մասնակցող ինժեներական և արտադրական ոլորտների ներկայացուցիչները փոխանակվեցին իրենց փորձով ու գաղափարներով, որոնք վերաբերում են մեծածավալ տվյալներին, հեռահաղորդակցման տեխնոլոգիաներին և 5G ցանցին, էլեկտրոնիկային, մաթեմատիկական մոդելավորմանը, ավտոմատ կառավարվող մեքենաներ, ավտոմոբիլներին և այլն։
Ժամանկակից գիտություն ներկայացնողների թվում էր նաև ծխախոտի արտադրության ոլորտում առաջատար Ֆիլիպ Մորրիս ընկերությունը, որը ձգտում է հնարավորինս արագ սիգարետը փոխարինել գիտականորեն հիմնավորված առանց ծուխի արտադրանքով։
Ֆիլիպ Մորրիսի հետազոտական ու գիտական գնահատման լայնածավալ ծրագիրը հիմնված է դեղագործական ոլորտում առկա փորձի վրա և տեխնոլոգիապես հանդիսանում է ոլորտի առաջատարը։
Ֆիլիպ Մորրիսը համագործակցում է ավելի քան 400 աշխարհահռչակ գիտնականների, ինժեներների և փորձագետների հետ գիտահետազոտական մի շարք ուղղություններում, ավելին՝ 2017 թվականին ընկերությունը ճանաչվել է Եվրոպական միության 58-րդ ամենամեծ արտոնագիր մշակողը՝ առանց ծուխի արտադրանքի հետ կապված մոտ 3000 արտոնագիր ։
«Մենք հավատում ենք, որ կենտրոնացումը ինժեներական ու տեխնոլոգիական ոլորտների զարգացման վրա խոստումնալից է Հայաստանի տնտեսության, ինչպես նաև իր միջազգային վարկանիշի համար։ Որպես տեխնոլոգիական ընկերություն, որը հետաքրքրված է Հայաստանի ուղղությամբ ընդլայնելու հետազոտությունների ու մշակումների իր գործունեությունը, մենք չէինք կարող բաց թողնել հայաստանյան ընկերությունների ու գիտահետազոտական կենտրոնների կողմից մշակած տեխնոլոգիական նախագծերի, ապրանքների ու ծառայություններին ծանոթանալու, ինչպես նաև մեր սեփական բարձր տեխնոլոգիական ապրանքներն ու լուծումները ներկայացնելու այս հնարավորությունը» – ասաց Վահե Դանիելյանը՝ Ֆիլիպ Մորրիս Արմենիայի Կորպորատիվ հարցերով, գիտական ներգրավման ու ինովացիաների գծով կառավարիչը։
Լուկա Ռոսսին՝ Ֆիլիպ Մորրիս Ինթերնեյշնլի ապրանքագիտական և մտավոր սեփականության գծով տնօրենը նշում է՝ «Ֆիլիպ Մորրիսը մասնակցում է Ինժեներական համաժողով-ցուցահանդեսին որպես տեխնոլոգիական ընկերություն՝ ներկայացնելով իր հեղափոխական առանց ծուխ արտադրանքը, որի մշակումն ու գնահատումը հիմնվում են գիտական ու տեխնոլոգիական բազմաթիվ ուղղությունների վրա։ Երկու տարի առաջ մենք բացահայտեցինք մեզ համար Հայաստանը՝ գիտական ու տեխնոլոգիական զարգացման ավանդույթների ու ներուժի առումով։ Եվ ահա մենք այստեղ հետազոտություններ ու մշակումներ իրականացնող կառույց հիմնելու ընթացքի մեջ ենք և աջակցում ենք երկրի ամենատաղանդավոր ուսանողների համար գիտական կրթություն խրախուսող էկոհամակարգի զարգացմանը։”
Լրացուցիչ տեղեկատվություն.
Վանաձորի Երկրորդ ինժեներական համաժողով-ցուցահանդես
Ցուցահանդեսը ներգրավեց ավելի քան 300 մասնակիցներ հետևյալ ոլորտներից. պետական, հետազոտական, կրթական, դոնոր կազմակերպություններ, ստարտափներ և կայացած ինժեներական ընկերություններ, ոլորտի հայաստանյան և արտասահմանյան ներկայացուցիչներ: Ցուցահանդեսի ընթացքում ավելի քան 35 տեղական և միջազգային ընկերություններ ներկայացրեցին իրենց արտադրանքը, լուծումները և ծառայությունները:
Ինժեներական ֆորում-ցուցահանդեսը կազմակերպվեց Ձեռնարկությունների ինկուբատոր հիմնադրամի (ՁԻՀ) կողմից ու իրականացվեց Վանաձորի տեխնոլոգիական կենտրոնում (ՎՏԿ): Ինժեներական ֆորում-ցուցահանդեսի գործընկերներն են Ինժեներական ասոցիացիան, ՀՀ կառավարությունը, Եվրոպական միությունը, Գերմանիայի Դաշնային Հանրապետության Տնտեսական համագործակցության և զարգացման դաշնային նախարարությունը, Ֆիլիպ Մորրիս Արմենիան, Նեյշնլ ինսթրումենթսը, IBM-ը, Տեղեկատվակնա և հաղորդակցության տեխնոլոգիաների գործատուների միությունը, Հայաստանի ազգային պոլիտեխնիկական համալսարանը, Ազգային ինժեներական լաբորատորիաները, Գյումրու Տեխնոլոգիական Կենտրոնը (ԳՏԿ), Մայքրոսոֆթ ինովացիոն կենտրոնը, Ինովացիոն լուծումների և տեխնոլոգիաների կենտրոնը, Հայ-հնդկական ՏՀՏ գերազանցության կենտրոնը, Բջջային լուծումների ECA տարածաշրջանային կենտրոնը:
Վանաձորի տեխնոլոգիական կենտրոնի (ՎՏԿ) կենտրոնացումը ինժեներական ոլորտի վրա է: Միջոցառումը նոր էջ է բացում Հայաստանի բարձր տեխնոլոգիաների ոլորտում: Հայաստանում ուշադրությունը ինժեներական և տեխնոլոգիական ոլորտներին, անշուշտ, դրական և կարևոր ազդեցություն ունի երկրի տնտեսական աճի վրա:
