Մեծն և սարսափելի Լեդի Գագան ընդամենը 32 տարեկան է, չնայած թվում է, թե նա միշտ է եղել և միլիոն տարեկան է։ Սթեֆանի Ջերմանոտան շոու–բիզնեսի համար յուրահատուկ համադրություն է. տաղանդավոր կոմպոզիտոր, հզոր կատարող և հաջողակ դերասանուհի. այսպես է իրեն ներկայացրել «փոքրիկ հրեշների մայրը»՝ տասը տարվա գործունեության ընթացքում։
Իր կարիերայի ամենասկզբից առանց տաբուների էպատաժը դարձել է երգչուհու հիմնական խաղաքարը։ Ինչ ասես որ չկա Լեդի Գագայի զինանոցում. բարդ դիզայներական կոստյումներ, սարսափելի կեղծամներ, զուգագուլպաների վրայից վարտիքներ և խելահեղ շպար։ Հիշենք միայն նրա մսից պատրաստված զգեստը, որով աղջիկը եկել էր 2010 թվականի MTV մրցանակաբաշխությանը։
Հետևելով երգչուհու արտաքին էվոլյուցիային 2008 թվականից մինչ օրս՝ տեսնում ենք, որ 2018-ին երգչուհին անճանաչելիորեն փոխվել է։
