Երևանի թատրոնի և կինոյի պետական ինստիտուտի (ԵԹԿՊԻ) ուսանողները երեկվանից իրենց բողոքի ձայնն են բարձրացրել՝ պահանջելով լուծել բոլոր այն խնդիրները, որոնք իրենք ունեն՝ տեխնիկական հագեցվածություն, պրակտիկայի հնարավորություն, ուսման բարձր վարձավճարի դիմաց որակյալ կրթության ապահովում և այլն։
«Ես չեմ պատրաստվում վճարել իմ ուսման վարձի 600 հազարը, որովհետև չգիտեմ՝ ինչի համար եմ տալիս: Էդ 600 հազարը պատրաստվում եմ օգտագործել իմ դիպլոմային աշխատանքի համար, և ոչ ոք չի կարող ինձ ինստիտուտից հեռացնել»,- նշեց Թատերական ինստիտուտի ուսանողուհիներից մեկը:
Մեկ այլ ուսանողուհու խոսքով՝ Թատերական ինստիտուտում ուսման վարձը հավասարազոր է Ամերիկյան համալսարանի, ԵՊՀ-ի վարձավճարներին. «Մինչդեռ Ամերիկյան համալսարանի դիպլոմը աշխարհի ցանկացած կետում անցնում է, ինչը չի կարելի ասել Թատերական ինստիտուտի մասին, իսկ թե ինչ ենք ստանում այդ 650 հազարի դիմաց՝ մենք արդեն 2 օր է՝ բարձրաձայնում ենք»:
Ինստիտուտի դասախոսները համակարծիք են, որ կան խնդիրներ՝ մասնավորապես պրակտիկայի հետ կապված:
Մանրամասները՝ տեսանյութում:
