Իրանի հրթիռային ծրագիրը սպառնալիք է ներկայացնում ինչպես Եվրոպայի երկրների, այնպես էլ Ռուսաստանի համար,– հայտարարել է Իսրայելի բնապահպանության և Իսրայելի հարցերով նախարար Զեեվ Էլկինը։
«Երբ Իրանն այսօր բալիստիկ հրթիռներ է մշակում, խոսքը գնում է հրթիռների մասին, որոնք Մոսկվային էլ կարող են հասնել, ոչ միայն Թել–Ավիվին։ Այսօր Իրանը ստեղծում է հրթիռներ, որոնք կարող են Եվրոպայի ցանկացած կետին հասնել և Ռուսաստանի շատ կետերի»,– ասել է Էլկինը։
«Չեմ կարծում, թե ինչ որ մեկը շահագրգռված լինի, որ այն երկիրը, որը կրոնական մոլի մահմեդականներն են ղեկավարում, իր ձեռքերում այդպիսի հրթիռային հնարավորություններ ունենա, էլ չասած այդ հրթիռների միջուկային մարտագլխիկների մասին»,– ավելացրել է նախարարը։
Իրանում բազմիցս հայտարարել են, որ իրենց բնական իրավունքն են համարում պաշտպանական ուժերի ամրապնդումը, այդ թվում՝ հրթիռային տեխնոլոգիաների ոլորտում։
Միևնույն ժամանակ Իրանում ընդգծել են, որ հրթիռային ծրագրի մշակումը պաշտպանական բնույթ ունի և ուղղված չէ որևէ երկրի դեմ, նշելով, որ Թեհրանը չի պատրաստվում որևէ մեկի հետ քննարկել երկրի պաշտպանության հետ կապված հարցերը։
