Ֆրանսիայի միլիարդատերերը այս տարվա առաջին հինգ ամիսների ընթացքում ավելացրել են իրենց կարողությունը 12 %-ով: Իրենց կարողության աճի տեմպերով նրանք գերազանցել են աշխարհի մյուս երկրների հարուստներին: Ինչպես հաղորդում է Bloomberg-ը՝ Ֆրանսիայի ամենահարուստ 13 բնակիչները տարվա սկզբից ավելացրել են իրենց կարողությունը 24,6 միլիարդ դոլարով կամ՝ 12%-ով: Կապիտալի աճի տեմպերով Ֆրանսիացիները առաջ են անցել ճապոնացիներից, չինացիներից և ամերիկացիներից, որոնք նույնպես հարստացել են, բայց զգալիորեն ավելի դանդաղ:
Ֆրանսիայի հարուստների առաջնությունում հիմնական ներդրումը Բերնար Արնոյինն ու Ֆրանսուա Պինոյինն են, որոնք երկուսով հինգ ամսվա ընթացքում 22,3 միլիարդ դոլար են վաստակել: Ամենահարուստ եվրոպացին՝ Արնոն, իր 76,4 միլիարդ դոլար կարողությամբ, գլխավորում է LVMH բիզնես խումբը, որին են պատկանում Louis Vuitton, Moet, Hennessy, Dior, Givenchy, Kenzo, Bulgari, Hublot բրենդերը: 81-ամյա Պինոն՝ 35,5 միլիարդ դոլար կարողությամբ, ղեկավարում է Kering խումբը, որին են պատկանոմ Gucci, Yves Saint Laurent, Brioni, Puma բրենդերը:
