Հեղափոխությունը էյֆորիա է առաջացրել: Մարդիկ մտածում են, որ եթե իրենք էլ կիրառեն նույն տեխնոլոգիաները՝ փողոց փակել և այլն, կհասնեն նույն արդյունքին, բայց այդպես չի լինում, որովհետև քաղաքական տեխնոլոգիաներն աշխատում են որոշակի պայմաններում և որոշակի իրավիճակում: Այս մասին «Առաջին լրատվական»- ի հետ զրույցում ասաց ընտրական տեխնոլոգիաների մասնագետ Արմեն Բադալյանը՝ անդրադառնալով վերջին օրերին տեղի ունեցող քաղաքացիական անհնազանդության ակցիաներին:
ընդգծեց, որ քաղաքացիական անհնազանդության ակցիաները քաղաքական նպատակով պետք է արվեն, ոչ թե տնտեսական կամ իրավական հարցեր լուծելու նպատակով: Նրա խոսքով՝ Ն. Փաշինյանի վարչապետ դառնալուց հետո բոլոր անհնազանդության գործողությունները անօրինական էին:
Քաղաքական տեխնոլոգիաների մասնագետն խոսքով՝ տեղի է ունեցել իշխանափոխություն, որը հեղափոխության մեկնարկն է: «Վարչապետ դարձած անձը խորհրդանիշ է, նրա գործունեության վեկտորն այս պահին չկա, երբ որ կձևավորվի և կերևա այդ վեկտորը, դրա միջոցով կկանխվի փողոցներ փակելու գործընթացը: Պետք է տեսանելի լինի արդարության զարգացման գործընթացը»:
Արմեն Բադալյանի դիտարկմամբ՝ այսօր խորհրդանիշը վարչապետն է, և եթե հանարվոր լինի Հայաստանում իրականացնել քաղաքական համակարգի վերաֆորմատավորում և ունենալ բազմաթիվ Նիկոլ Փաշինյաններ, Հոկտեմբերի 27 չի լինի:
Հարցազրույցն ամբողջությամբ՝ տեսանյութում:
