«Վաղը մենք կհրապարակենք մեր ճանապարհային քարտեզը, և այդ հարցի պատասխանը հասկանալի կլինի»,- այսօր՝ մարտի 30-ին, Մամուլի ազգային ակումբում հրավիրված մամուլի ասուլիսում նշեց «Քաղաքացիական պայմանագիր» կուսակցության վարչության անդամ Նիկոլ Փաշինյանը՝ պատասխանելով հարցին, թե իրենք պատրաստվո՞ւմ են արդյոք նաև մարզեր այցելել:
Ինչ վերաբերում է Արմեն Մարտիրոսյանի հնչեցրած՝ անհնազանդության պայքարի ճանապարհին, Նիկոլ Փաշինյանը ասաց. ««Հանուն Հայաստան պետության» ճակատից հնչում են իրարամերժ գնահատականներ. կան գործիչներ, ովքեր ընդունում են ոչ բռնի պայքարի սկզբունքը, կան գործիչներ, ովքեր ընդունում են բռնության մերժումը՝ որպես գործողություն, բայց չեն ընդունում բռնության մերժումը՝ որպես հակագործողություն, և կան գործիչներ, ովքեր ընդհանրապես մերժում են ոչ բռնի պայքարի սկզբունքը:
Քանի դեռ Ճակատի անունից միասնական հստաակ տեսակետ չի հնչել՝ ես չեմ կարող այդ հարցին պատասխանել: Եթե լինի միասնական տեսակետ որևէ ուղղությամբ, մեր դիրքորոշումն էլ ըստ այդմ վերջնական կհստակեցվի»:
Մանրամասները՝ տեսանյութում:
