Կատալոնիայի խորհրդարանի խոսնակ Ռոժե Տորենը կոչ է անում «սոցիալ-դեմոկրատական լայն ճակատ ստեղծել, որը կպաշտպանի տարածաշրջանի իրավունքներն ու ազատություննեևը»։ Այս մասին հաղորդում է The Associated Press-ը։
Գերմանիայում երկրի նախկին ղեկավար Կարլես Պուչդեմոնի ձերբակալությունից հետո Տորենն առաջարկում է, որ քաղաքական կուսակցությունները, արհմիությունները և քաղաքացիական հասարակության խմբերը միասնական ճակատով հանդես գան։
«Իսպանիայի կառավարությունը հարձակվում է ժողովրդավարության սրտի վրա՝ իր քաղաքական հակառակորդների դեմ գործեր բացելով»,-ասել է Տորենը՝ հավելելով, որ Կատալոնիան օգտագործվում է որպես «լաբորատորիա՝ այլ վայրերում պառակտումը ճնշելու համար»։
Հիշեցնենք, Կատալոնիայի կառավարության նախկին ղեկավար Կարլես Պուչդեմոնին ձերբակալել են մարտի 25-ին, Գերմանիայի տարածքում՝ Դանիայի հետ սահմանի մերձակայքում։
