Գիտնականները հետազոտել են «Կարմիր գլխարկ» հեքիաթի առաջացման պատմությունը 2000 տարի առաջ: Նրանք հավատացած են, որ այլ ժողովրդական հեքիաթների արմատների որոնումը ևս թույլ կտա պարզել, թե մարդիկ ինչպես են տեղաշարժվել դարեր շարունակ:
Առաջին անգամ օգտագործելով այն մեթոդը, որը մինչ այդ օգտագործում էին միայն կենսաբանները, մարդաբանները, փորձագետները, նրանք պարզել են, որ հեքիաթը բանավոր տարբերակում առաջին անգամ հայտնվել է «Գայլը և երեխաները» վերնագրով: Այս անվանումով հեքիաթը դեռևս պատմում են շատ երկրներում` հաղորդում է fedpost-ը:
Այսօր այդ երկու պատմությունները տարբեր են՝ չնայած դրանց ընդհանուր նախնին վերածվել է մի շարք տարբեր պատմությունների, որոնք պատմվում են Աֆրիկայում և Ասիայում: Սակայն հեքիաթի օրիգինալ տարբերակը Եվրոպայում հայտնվել է մեր թվարկության առաջին դարերում:
Դարեմի համալսարանի փորձագետները մաթեմատիկական մոդելավորում են օգտագործել «Գայլը և երեխաները» (գայլի մասին հեքիաթ, որը ձևանում է այծ և ուտում նրա ձագերին) հեքիաթի «էվոլյուցիոն հիմքը» կառուցելու համար:
Նրանք բացահայտել են, որ Կարմիր գլխարկի մասին հեքիաթն առաջացել է շուրջ 1000 տարի հետո՝ Մեծ Բիտանիայում: Ավելի ուշ այն տարածվել է Ֆրանսիայում, Ավստրիայում, Հյուսիսային Իտալիայում: Դրանից հետո այն գրի է առնվել Շառլ Պերոյի կողմից՝ 1600-ական թթ.:
Հարկ է նշել, որ Ճապոնիայում, Չինաստանում, Կորեայում այն հայտնի է «Գայլը և տատիկը» անունով:
