Հրացանը, որը պատկանել է հայտնի կին դիպուկահար Էնի Օուքլիին, Դալլասում (Տեխաս) «Արևմուտքի լեգենդները» անվանումով աճուրդի ժամանակ կվաճառվի Heritage Auctions-ի կողմից:
Օուքլին, ով ԱՄՆ-ում մեծ հռչակ էր ձեռք բերել 1980-ականների վերջին, կարողանում էր 30 մետր հեռավորությունից կրակել օդ նետված 10 ցենտանոց մետաղադրամի վրա, որի տրամագիծը կազմել է 2սմ-ից պակաս: Այս մասին հայտնում է ITAR-TASS-ը:
Նա իր վարպետությունը բազմիցս ցուցադրել է ականավոր հանդիսականների առջև, որոնց շարքում եղել են բրիտանացի թագուհի Վիկտորյան, Իտալիայի թագավոր Ումբերտո I-ը և գերմանացի կայսր Վիլհելմ II-ը:
Heritage-ի ներկայացուցիչների խոսքով՝ աճուրդի ներկայացվելիք զենքը, որը պատրաստել է Parker Brothers ընկերությունը, Օուքլին անվանել է իր առաջին իրական զենքը և բազմիցս կիրառել այն «Վայրի Արևմուտքի շոու» անվամբ ներկայացումներում:
Զենքը լավ վիճակում է: 1926 թվականին նրա մահվանից հետո հարազատները մոտ մեկ դար պահպանել են հրացանը՝ որպես ընտանեկան մասունք: Նոյեմբերի 24-ին կայանալիք աճուրդին այն ներկայացրել է դիպուկահարի եղբոր ծոռնուհի Բեսսի Էդվարդսը:
2012-ի հունիսին Heritage-ը 143 հազար դոլարով վաճառել էր Օուքլիին պատկանած, կրկին Parker Brothers ընկերության արտադրության մեկ այլ հրացան:
