Գերմանացի տղամարդը պնդում է, որ մետաղը տեղաշարժելու համար իր գերբնական ընդունակություններն է օգտագործում, ինչպես «Իքս մարդիկ» ֆիլմի չարագործը:
Միրոսլավ Մագոլան ասում է, որ իր ընդունակություններն այնքան ուժեղ են, որ մետաղական իրերը մնում են մարմնի վրա նույնիսկ թռիչքի ժամանակ: Արտասովոր գերմանացին պնդում է, որ այդ հնարքները կիրառում է մեծ հոգեբանական էներգիայի շնորհիվ, որի օգնությամբ բանականությունն ազդում է նյութի վրա և միացնում իրերը մարմնի հետ: Տղամարդը պնդում է, որ ոչ սոսինձ է օգտագործում, ոչ էլ՝ նմանատիպ որևէ բան:
«Ես 1990-ական թթ. սկզբներին իմացա, որ կարող եմ շարժել իրերը: Այդ ժամանակվանից տարիներ եմ անցկացրել՝ ուսումնասիրելով մարդկային մագնիսականության տեխնիկան: Ես կարող եմ մարտահրավեր նետել ձգողականությանը, քանի որ ինքս ինձ էներգիայով եմ լիցքավորում: Ես լցված եմ վճռականությամբ իմ յուրօրինակ ընդունակությունները զարգացնելու համար»,- ասել է 55-ամյա Մագոլան:
Տղամարդը հերքել է խարդախության մեղադրանքները՝ հայտարարելով, որ գերընդունակությունները կարող է զարգացնել ցանկացած մարդ:
