Նախագծով սահմանված՝ դատարանի կողմից փաստաբանի նկատմամբ տուգանքի կիրառում նախատեսող իրավակարգավորման դեմ Փաստաբանների պալատում քննարկում անցկացվեց, որի ընթացքում Փաստաբանների պալատի նախագահ Արա Զոհրաբյանն ասաց, որ այսօր Դատական տուգանքը Դատական օրենսգրքի նախագծից հանվել է, որի վերաբերյալ խնդրանքով ՓՊ-ն դիմել էր Կառավարությանն ու Ազգային ժողովին:
«Այսօր որոշակի առումով որոշակի իրավիճակ է փոխվել: Արդարադատության նախարարի մասնակցությամբ ԱԺ գլխադասային հանձնաժողովի քննարկման ժամանակ այդ դրույթը Դատական օրենսգրքի նախագծից հանվեց: Պետք է տեղեկացնեմ, որ նման խնդրանք մենք ներկայացրել էինք Ազգային ժողովին և Կառավարությանը, մասնավորապես խնդրել էինք նախագծից փաստաբանների և դատախազների նկատմամբ տուգանք սահմանելու մասին կանոնը հանել, այդ հարցի լուծման հնարավորությունը վերապահելով դատավարական օրենսգրքերին»,-ասաց Արա Զոհրաբյանը:
