ԱՄՆ նախագահ Դոնալդ Թրամփը Իսրայել պետության հիմնադրման 70-ամյակը կտոնի Ֆլորիդայի իր Մար-ա-Լագո կալվածքում։ Այդ միջոցառման տոմսը յուրաքանչյուր հյուրին կարժենա 1000 դոլար, հայտնում է իսրայելական Haaretz թերթը։
Տոնական երեկոն, որը կկազմակերպի «Քրիստոնյաների և հրեաների միջազգային եղբայրությունը», կկայանա մարտի վերջին։
Միջոցառման ժամանակ ելույթ կունենան ՄԱԿ-ում ԱՄՆ-ի մշտական ներկայացուցիչ Նիկի Հեյլին, Վաշինգտոնում Իսրայելի դեսպան Դանի Դանոնը և Կանադայի նախկին նախագահ Ստիվեն Հարփերը։
Ֆլորիդայի՝ «Ճշմարտություն Իսրայելի մասին» խումբը ծրագրում է Մար-ա-Լագոյում փետրվարի 25-ին միջոցառում անցկացնել և որպես բանախոս հրավիրել Իսրայել նախկին դեսպան Դանի Այալոնին և 3 հանրապետական կոնգրեսականի։ Այդ կազմակերպությունն Իսրայելի պաշտպանությունը, ինչպես նաև հրեա ժողովրդի իրավունքների համար պայքարն ու նրա արժեքների քարոզչությունը հայտարարել է իր առաքելություն։ Նման միջոցառումները Թրամփի ակումբին բերում են 100-275 հազար դոլար, իսկ նախագահն անձամբ կանոնավոր կերպով մասնակցում է այդ միջոցառումներին։
