Երևանյան երթուղիները սպասարկող վարարոդները համարում են, որ վառելիքի թանկացման պայմաններում հնարվոր չէ այլևս նույն պայմաններով աշխատել։ Մեկ լիցքավորման մեջ գրեթե 2000 դրամ ավելի են վճարում։
Որոշ երթուղիների վարորդներ նշեցին, որ ավելացված գումարը վճարում են իրենց գրպանից, օրվա ընթացքում իրենց վաստական գումարից, որի արդյունքում իրենք տուժում են, քանի որ տուն տանելու գումար չի մնում։ «Հնարավոր չէ այս պայմաններում աշխատել։ Գծատերերին զգուշացրել ենք, պետք է քնարկեն, մեզ պատասխան տան»,- ասաց 57 համարի երթուղայինի մի վարորդ՝ հավելելով, որ ուղևարձը բարձրացնելը լուծում չէ, քանի որ առանց այդ էլ երթուղայինից օգտվողները քիչ են, եթե ավելացնեն, առհասարակ մարդիկ չեն օգտվի։
12 համարի երթուղայինի վարորդներից մեկն էլ նշեց, որ վառելիքի ավելացված գումարը գծատերերը դուրս են գալիս օրվա «գծի պլանից»։ «Առայժմ պայմանավորվել ենք էսպես աշխատենք, մինչև տեսնենք ինչ կլինի։ Բայց ասեմ, որ էսպես էլ հնարավոր չի»։
Նշենք, որ վարորդները նշում էին՝ վառելիքից բացի արդեն իսկ թանկացել են և շարունակում են թանկանալ քսայուղերը, ավտոմեքենաների պահեստամասերը։
Երևանի քաղաքապետարանի տրանսպորտի վարչության պետ Հենրիկ Նավասարդյանը «Առաջին լրատվական»-ի հետ զրույցում ասաց, որ սակագնի վերանայման հարց քաղաքապետարանում չի քննարկվել և ինքն այս թեմայով ոչինչ չունի ասելու։
Առավել մանրամասն՝ տեսանյութում։
