Ֆրանսիայի նախագահ Էմանուել Մակրոնը վստահություն է արտահայտել, որ ԱՄՆ նախագահ Դոնալդ Թրամփը կփոխի իր որոշումը կլիմայի հարցով համաձայնագրից երկրի դուրս գալու մասին։ Այս մասին Մակրոնը հայտարարել է CBS-ի հետ հարցազրույցում։ Մակրոնը հավելել է, որ եթե համաձայնագիրը ստորագրվել է, ապա պետք է այն հարգել։
«Երբ դուք ստորագրում եք համաձայնագիրը, ապա պետք է հարգել այն, ԱՄՆ-ը հիանալի երկիր է, և նա ստորագրել է Փարիզի համաձայնագիրը»,-հայտարարել է Մակրոնը։ Ֆրանսիայի նախագահը հավելել է, որ համաձայնագրից դուրս գալը «չափազանց ագրեսիվ քայլ է»։ Քաղաքական գործիչը նշել է, որ կլիմայի հարցով Փարիզի համաձայնագրի պայմանները վերանայելու հնարավորություն չկա, քանի որ միայն մեկ պետություն է որոշել դուրս գալ։ Ավելի վաղ նա նշել էր, որ փաստաթուղթը կարող է համալրվել։
«Վստահ եմ, որ իմ ընկեր նախագահ Թրամփը կփոխի իր որոշումն առաջիկա ամիսների կամ տարիների ընթացքում»,-եզրափակել է Մակրոնը։
