Երեք ամերիկուհիներ պահանջել են Կոնգրեսից հետաքննություն սկսել ընդդեմ ԱՄՆ նախագահ Դոնալդ Թրամփի՝ նրա կողմից սեռական ոտնձգությունների հետ կապված։ Այս մասին պարզ է դառնում NBC հեռուստաալիքի եթերում կանանց հարցազրույցից։
«Նա ինձ վրա նայում էր, ինչպես մսի կտորի»,-ասել է Սամանտա Հոլվին, ով 2006 թվականին մասնակցել է «Միսս ԱՄՆ» մրցույթին։
Նրա խոսքով՝ Թրամփը մտել է մասնակիցների հանդերձարան, ովքեր եղել են կիսով չափ մերկ, և վերաբերվել աղջիկներին իր սեփականության նման։
Երկրորդ ամերիկուհին՝ Ռեյչել Կրուկսը, ԱՄՆ նախագահին հանդիպել է 2005 թվականին Trump Tower աշտարակում վերելակի մոտ։ Նա այնտեղ որպես քարտուղարուհի է աշխատել։ Ռեյչելը պատմել է, որ ծանոթոթյան ժամանակ Թրամփին ասել է իր անունը։ Արդյունքում նախագահը սկսել է նրան համբուրել՝ բռնելով ձեռքը։
75-ամյա Ջեսիկա Լիդսն առաջին անգամ չէ պատմում, որ Թրամփը ոտնձգություններ է կատարել իր հանդեպ դեռևս 1980 թվականին, ինքնաթիռում։ Կնոջն առաջարկել են նստել առաջին դասում՝ միլիարդատիրոջ կողքին։ Երբ նա սկսել է իրեն համբուրել և ձեռքերը տանել կիսաշրջազգեստի տակ, Լիդսը վեր է կացել և գնացել իր տեղը։
Ամերիկուհիները որոշել էին ևս մեկ անգամ պատմել իրենց պատմություններն ԱՄՆ նախագահի մասին, քանի որ «հանգամանքները փոխվել են»։
