ՀՀ կալանավայրերի վարչության նախկին պետ, ազատամարտիկ Մուշեղ Սաղաթելյանի կարծիքով՝ Սերժ Սարգսյանը 2018-ի ապրիլից հետո չի զբաղեցնի վարչապետի պաշտոնը։ Նրա խոսքերով՝ այսօր իշխանության ներսում կան տարաձայնություններ, բայց այդ ամենի հետ մեկտեղ իշխանությունը մեկ ճյուղ է, իսկ խորհրդարանական ընդդիմությունը՝ մասնատված։
Մեր այն հարցին՝ արդյո՞ք վարչապետի դեմ ուղղված քննադատությունները չեն վկայում, որ «Բարգավաճ Հայաստան» կուսակցությունն աջակցում է Սերժ Սարգսյանին և հնարավոր է նաև 2018-ին կոալիցիա կազմի, Մուշեղ Սաղաթելյանն արձագանքեց. «Ծառուկյանը չի կարող այդ հարցի հետ կապված այո կամ ոչ ասել։ Նա անում է այն, ինչ անում է։ Ծառուկյանը հինգ կամ երկու տարի առաջ ավելի մեծ հնարավորություն ուներ կոալիցիա կազմել։ Բայց իմ կարծիքով՝ հիմա չի մտնի կոալիցիայի մեջ։ Դա ընդամենը քաղաքական խաղ է՝ ժամանակ են շահում, որպեսզի վնաս չտան»։
Մուշեղ Սաղաթելյանը նշում է․ «Սերժ Սարգսյանն այսօր երկիրը չի կառավարում։ Նա արդեն գնացած է, իր ստեղծած մաֆիոզ կլանն է կառավարում, բայց դա էլ է հաշմանդամ դարձել»։
Հարցազրույցն ամբողջությամբ՝ տեսանյութում։