Վրաստանի փոխվարչապետ և արտգործնախարար Միխեիլ Ջանելիձեն, ելույթ ունենալով Էներգետիկ խարտիայի խորհրդաժողովի 28-րդ նստաշրջանում, աջակցել է էներգիայի աղբյուրների դիվերսիֆիկացման Եվրոպայի ջանքերին՝ նշելով Թուրքիայի, Ադրբեջանի և Ռումինիայի դերը տարածաշրջանում էներգամատակարարման ապահովման գործում։
«Թուրքիան, Ադրբեջանն ու Ռումինիան կարևոր դեր են խաղում տարածաշրջանում էներգամատակարարում ապահովելու գործում, և Վրաստանը պատրաստ է իրագործել Եվրոպայի էներգետիկ պահանջմունքների բավարարման իր պարտավորությունները»,-ասել է Ջանելիձեն։
Տարածաշրջանից Եվրոպա էներգիայի մատակարարման համատեքստում քաղաքական գործիչն ընդգծել է այնպիսի նախագծերի առանձնահատուկ կարևորությունը, ինչպիսիք են Հարավկովկասյան գազատարը, Անդրատլանտյան գազատարը, ինչպես նաև Անդրադրիատիկ գազատարը։
Ընդգծելով էներգետիկ պայմանների հարթակում որոշումների ընդունման համատեղ մեխանիզմի ստեղծման անհրաժեշտությունը՝ Ջանելիձեն վստահություն է արտահայտել, որ իրենց ներկայացուցիչներին խորհրդաժողով ուղարկած բոլոր երկրներն աջակցում են այդ ոլորտում աշխատանքին։
