Armstar.am-ի փոխանցմամբ՝ երգիչ Մհերն այն արտիստներից է, ովքեր չեն անտեսում երկրպագուների խնդրանքներն ու հանդիպելու առաջարկները: Անանիա Շիրակացու անվան համալսարանի ուսանողները Մհերից մեկ հանդիպում են խնդրել: Անցյալ շաբաթ երգիչը համալսարանի հյուրն էր:
Հանդիպման շեշտը դրված է եղել անկեղծության վրա: Խոսակցություն ծավալվել է երգչի կարիերայի, կորպորատիվ միջոցառումներին մասնակցելու, անձնական կյանքում նորությունների և այլնի մասին:
Ի սկզբանե զրուցը սկսվեց հումորով. լսարան մտավ ուսանողներից մեկը, ով մի փոքր ուշացել էր հանդիպումից. «Ինչու՞ եք ուշանում: Այսօր ես եմ դասը վարում, նստե’ք…»,- դասախոսի աթոռից հումորով ասաց Մհերը: Նա պատմեց իր` որպես երգչի կայացման մասին, «Նոր ալիք» երաժշտական մրցույթին իր մասնակցության մասին. «Իմ կյանքում ես տարբեր մրցույթների ու փառատոնների եմ մասնակցել: Հիմա միայն մի մրցույթ կա, որին կցանկանամ մասնակցել ու դա կլինի վերջը… Ուզում եմ Հայաստանը ներկայացնել «Եվրատեսիլ» երգի միջազգային մրցույթին»,- ասել է Մհերը:
Ուսանողներnն անսահման հետաքրքրված էին երգչի անձնական կյանքով: Հիշեցինք, որ նրա մենահամերգներից մեկի ժամանակ տատիկի ու մայրիկի կողքին ներկա էր նաև նշանածը. «Այդ ամենն արդեն անցյալում է: «Նշանած» ասվածը` մատանի էի նվիրել իրեն` պաշտոնականացնելու մեր հարաբերությունները… Մեր բաժանման պատճառը խանդն էր»: Հիմա, բարեբախտաբար, Մհերի անձնական կյանքում ամեն բան կարգին է: «Հիմա ընկերուհի ունեմ, մեզ մոտ շատ առողջ, լավ հարաբերություններ են: Նա նույնպես բեմի մարդ է, և ես նրան բոլորովին չեմ խանդում, հասկանում եմ, որ նա արտիստ է և բեմը շատ բան է պահանջում արտիստից: Այլ բան է բեմում կարճ շրջազգեստ հագնել, մեկ այլ բան է կյանքում…»,- իր հայացքներով ուսանողների հետ կիսվել է Մհերը:
Ի դեպ ընկերուհուն, ում անունը չենք շտապում հրապարակել, ArmStar.am-ն իր նախկին նյութերում անդրադարձել է: Մհերը խոստովանել է իր յուրահատուկ զգացմունքների մասին…
Մհերի հետ ուսանողների հետ հանդիպման էր եկել նաև նրա պրոդյուսեր Ժորան: Վերջինս էլ հիշեցրել է Մհերի տեսահոլովակներից մեկի նկարահանման ժամանակ տեղի ունեցած զվարճալի դեպքերից մեկը. «Ժորան շատ լավ վրացերեն գիտի: Նա Վրաստանում է ծնվել-մեծացել: Մի անգամ իմ տեսահոլովակի նկարահանման համար Վրաստան էինք գնացել: Շատ քաղցած մտանք McDonalds: Պայմանավորվել են վրացերեն չխոսել, ձևացնել, թե լեզուն չգիտենք, որ լսենք , թե ինչ են մեր մասին խոսում տեղացիները: Պարզվել է, որ մատուցողուհիներից մեկն ինձ էր հավանել, մյուսը` Ժորային: Նրանք քննարկում էին մեր արտաքինը… Մենք հազիվ էինք զսպում մեզ, որ չծիծաղենք»,- հիշել է Մհերը: Հանդիպումն անցել է շատ ուրախ և լավ մթնոլորտում: Ուսանողները հիացած էին երգչի անկեղծությամբ ու մարդամոտությամբ: Հանդիպման ավարտին ուսանողների հետ միասին Մհերը կատարել է իր «Հավատա» երգից մի փոքրիկ հատված…
